స్వయం ఉపాధి లేదా చిన్న పరిశ్రమలు మొదలుపెట్టే ముందు తీసుకోవలసిన జాగ్రత్తలు:

​

1. మీరు చెయ్య బోయే వ్యాపారం లో మీకు తప్పనిసరిగా మార్కెటింగ్ లేదా సేల్స్ అనుభవం ఉండాలి. లేదంటే మీ వ్యాపారం మొదటి సంవత్సరమే మూతబడుతుంది. దీనిలో ఏ మాత్రం సందేహం లేదు. 

​

​  2.  ఒక వేళ మీరేదయినా ప్రోడక్ట్ లేదా వస్తువు తయారు చేస్తుంటే, అది చెయ్యడం లో మీకు కొంత అనుభవం ఉండాలి. (అగ్రి ప్రొడక్ట్స్ లేదా ఫుడ్ ప్రోడక్ట్ విషయంలో)

​

  3.  మీతో కలసి పనిచేయడానికి అనువైనవారిని వెతుక్కోవాలి. వాళ్ళకీ, మీకు మనస్పర్థలు వచ్చే అవకాశం అతి తక్కువ  ఉండేలా చూసుకోవాలి.

​

  4. మార్కెట్ లో అమ్ముడయ్యే వస్తువులనే తయారు చెయ్యాలి. దీనికి ముందుగానే, అంటే కనీసం ఒక ఆరు నెలలు మార్కెట్ లో పరిశోధన కంపెనీ పెట్టబోయే వారు స్వయంగా చెయ్యాలి. ఆన్లైన్ రిపోర్ట్ లు చూసి చాలా పెద్దే మార్కెట్ ఉందని ఊహించుకోవద్దు.

​

5. మీరు వ్యాపారం మొదలు పెట్టబోయే రంగం లో, ఇదివరకే చాలా మంది వివిధ రకాలైన ప్రయోగాలు చేసి ఉంటారు. జాతీయ లేదా అంతర్జాతీయ ప్రమాణాలున్న శిక్షణా సంస్థలలో శిక్షణ పొందడం ద్వారా, ఇలాంటివి ఎన్నో విషయాలు మీ దృష్టికి వస్తాయి.

​

అందుచేత మీకు అభిరుచి ఉన్న రంగంలో శిక్షణ ఎంతైనా అవసరం.

​